AF222a: 105v

nevʿ‑i dīger qan quṣan ādeme qatrān [!] ve qızıl ṭaş ve yaġmur ṣuʾı ve eski güni yaqup kül // ėdüp andan bu mecmūʿın ezüp içüreler * ve gėce ile uyumayan ādeme fındıq yaġın çıqarup // terāş başına ve alnına ve şaqaqlarına süre bi‑ʿavni llāhi defʿ ola * gelincik ciçegin gölgede // qurudup daḫı dögüp yumurda ile ac qarnına üç gün yėse * bevāṣır [!] renci keser // qulaq aġrısına ḥoros qulaq aġrısına ṣarımsaq ṣuyın qoyun ödin qatup // qaynadup qulaġa ṭamzıralar * ve pişmiş ṭurb yėmek qan quṣmaġı defʿ ėder * ve ṭurb // ile balı qarışturup yėse gögüs aġrısın defʿ ėder * ve marulı dögüb ıssıcaq // ṣuʾ‑ile ṣıqup içeler gögüs aġrısın defʿ ėder mücerrebdür * qarun aġrısın mübtelā // olan kişiye gerekdür ḫoros etin qurudup māzū ile ve ṣumaq ile ber‑ā‑ber qarışṭurup // içürseler ġāyet nāfiʿdür * ve gerci bir kişinüñ içinden qan gelse ṣafrasına [!] uralar // ḫoş ola bi‑ʿavni llāhi taʿālā şifā bula * ve altına işegen oġlana deve qılından // bir ib büküp uyluġına baġlayalar ayrıq işemez * ve ḫoros başında olan // ṣorġucını kesüb bir miqdār qanından yalaya ve ẕekerine süre ve ḫayāsına [!] süre // andan ḫoros ṣalı‑vėre ġāyet mücerrebdür * tertīb qasıq qılın yolınmasın beyān // ėderüz elli dirhem ṣoyunmış kirec yigirmi beş dirhem zernīḫ on dirhem bir zernīḫ yüz // dirhem zeyt yaġı qarışturup bu cümleʾi bir yeñi sırcalı çölmekde ol mertebe qaynada // ki taʾuq yükin [?] icine ṣovuqdan‑ṣoñra ʿale l‑fevr ṣoyılursa ocaqdan çıqarılup ṣovudub // süzeler ve sürilen yaġı bir şişe içinde ḥıfẓ ėdeler vaqt‑i ḥācetde istiʿmāl // ėdeler qılını āsān giderüp gėc [!] bitürür ve ḫuşūnet daḫı olmaz ve ebem gümeci ṣuyın // şarāba qatup içeler qaṣuġında olan zaḥmeti defʿ ola ve ḥayāsında [!] zaḥmet olana bir cüz // şāb ve bir cüz ṭuz dögüp zeyt yaġına qatub süreler zaḥmeti defʿ ola